Un danvez enkaskerez a fell dezhi kompren gwelloc’h treuzkas ar brezhoneg er familhoù hiziv an deiz : peseurt dibaboù yezh ha peseurt strategiezhioù ‘vez gant ar gerent vrezhonek ? Sed aze danvez preder, testenioù, disoc’hoù enklask tro-dro d’an tem-se…
Goulennaoueg 3 : Liseidi Diwan, o familhoù hag ar brezhoneg
Un enklask evit kompren gwelloc’h al liammoù a zo etre treuzkas ar brezhoneg er familhoù hag implij ar brezhoneg gant al liseidi.
Kaset eo an enklask-se gant liseidi Diwan an Eilvet Du, skoazellet gant Gildas Grimault, o c’helenner war ar skiantoù ekonomikel ha sokial, gant Katell Chantreau, doktoradez e skol-veur Roazhon 2, ha gant Catherine Bouroulleg eus an OPAB.
E miz Kerzu 2019 ha miz Genver 2020 e vo dastumet ar respontoù gant an Eilvet Du. E fin 2020 e vo embannet an disoc’hoù kentañ moarvat.